قوربانیدان بۆ نواندنێکی نایاب

زۆربەی بینەران پێیان وابوو کە نواندنکار (ڕۆبێرت پاتینسن) ناتوانێت جەستەیەکی بەهێزی هەبێت بۆ ڕۆڵی باتمان، بەڵام ئەو هەمووانی تووشی شۆک کرد، پاتینسن ڕۆژانە ٥ کاتژمێر ڕاهێنانی قورسی وەرزشیی دەکرد و پارێزەیەکی زۆر توندی هەبوو کە تەنها لە ماسی کوڵاو و ئاو پێکهاتبوو، لەو دیمەنەی کە تێیدا بروس واین کە کراسەکەی دادەنێت و برینەکانی پشت و جەستەی دەردەکەوێت، پاتینسن بۆ ماوەی دوو ڕۆژ ئاوی نەخواردبووەوە تاوەکو پێستی بە تەواوی بە ئێسک و ماسولکەکانیدا بنوسێت و وەک مرۆڤێکی ماندوو و خەریکە دەخنکێت دەربکەوێت، ئەمە فشارێکی زۆری خستە سەر گورچیلەکانی، بەڵام ئەو سوور بوو لەسەر ئەوەی کە باتمان نابێت وەک وەرزشوانێکی جوانکاری دیار بێت، بەڵکو دەبێت وەک جەنگاوەرێکی تێکشکاو دەربکەوێت.