بۆ ئەوەی دیمەنی (کرمە زەبەلاحەکانی بیابان) زۆرترین هەستی ترس و گەورەیی بە بینەر ببەخشن، تیمی بەرهەمهێنان بۆ ماوەی ساڵێکی تەواو تەنها کاریان لەسەر دیزاینکردنی پێست و جووڵەی ئەو کرمانە کرد و نەیاندەویست وەک بوونەوەرێکی خەیاڵی سادە دەربکەون، ئەوان ئیلهامیان لە بەبەردبووەکانی کۆن و نەهەنگە گەورەکانی دەریا وەرگرت و دیزاینەکەیان بە جۆرێک ئەنجامدا کە وەک (خوداوەندێکی سروشتی) دەربکەوێت کە تەمەنی هەزاران ساڵە، تەنانەت ئەکتەرەکان لە کاتی وێنەگرتنی دیمەنی دەرکەوتنی کرمەکەدا، لە جیاتی پەردەی سەوز، لەبەردەم ئامێرێکی گەورەی لەرینەوەدا دادەنران کە تەواوی زەوییەکەی ژێریان دەهەژاند.